Nýtt Sjálvstýri broytir navn

Nýtt er ikki nýtt til allar tíðir. Tað sigur flokkurin Nýtt Sjálvstýri, sum nú tekur orðið "nýtt" burturúr og tí eitur Sjálvstýri.

Fyri smáum tveimum árum síðani broytti táverandi Sjálvstýrisflokkurin navn til "Nýtt Sjálvstýri," og sambært formanni floksins skuldi tað vera eitt tíðaravmarkað heiti.

Stevnuskráin dagførast

Sjálvstýri arbeiðir við at dagføra stevnuskránna, og skal arbeiðið leggjast fram á komandi aðalfundi.

- Seinast stevnuskráin varð tillagað var í 1997, og er okkara samfelag munandi broytt síðani, sigur Jógvan Skorheim, formaður í Sjálvstýri.

Flokkurin er í einari broytingartíð, og seinasta árið er tingmannatalið tvífaldað, samstundis sum flokkurin.