Tríggir spennandi hondbóltsdystir klokkan 16

Spenningurin er stórur, um hvør fer at vinna sær tey bæði FM-finaluplássini í hondbóltskappingini hjá monnum, og í dag eru dystir, sum hava stóran týdning fyri kappingina.
Tríggir dystir eru á skránni, teir byrja allir klokkan fýra.

Í Vestmanna tekur nummar tvey, KÍF, ímóti nummar trý, VÍF. Kringvarpið stroymir dystin beinleiðis. Leinkið er at finna her á heimasíðu okkara kvf.fo og á facebooksíðuni hjá 3-2.

Kyndil hevur eisini møguleika at vinna sær pláss í FM-finaluna. Teir spæla í dag á útivølli ímóti StÍF.
Triðji dysturin er í Hoyvíkshøllini, har oddaliðið, H71, tekur ímóti Neistanum.

Dysturin millum KÍF og VíF kann síggjast her https://www.youtube.com/watch?v=irQx-Aa7HYo