Uppskotið um fiskivinnunýskipan verður broytt

- Talan er um markeringar, men fiskivinnunýskipanaruppskotið hjá samgonguni verður ikki samtykt, sum tað sær út í løtuni.

Tað sigur Árni Gregersen, journalistur og politiskur viðmerkjari, nú javnaðartingmenninir, Kristin Michelsen og Bjarni Hammer, hava gjørt greitt, at teir taka ikki undir við uppskotinum hjá samgonguni, sum teir sjalvir eru partur av.

Enn hevur uppskotið bara verið til hoyringar, og tað er ikki lagt fyri tingið.

Høgni Hoydal, landsstýrismaður, hevur sagt, at uppskotið verður lagt fram í hesum mánaðinum.