Skulu sita í varðhaldi fýra vikur aftrat

Tveir menn, 23 og 26 ára gamlir, skulu sita í varðhaldi fýra vikur aftrat. Menninir eru skuldsettir fyri drápsroynd ella grovan harðskap.

Tað var 6. mai, at løgreglan fekk fráboðan um, at ein maður lá á vegnum úti við Landavegin í vesturbýnum í Havn. 

Maðurin varð stungin og skorin fleiri staðni og bløddi illa. 

Ein tíma seinni handtók løgreglan tveir menn, sum eru ávikavist 23 og 26  ára gamlir. 

Martin Gravesen, ákæri, sigur, at løgreglan skal gera nakrar kanningar aftrat, og tí var neyðugt at fáa varðhaldsfongslingina longda við fýra vikum.