Hon skal halda ólavsøkuprædikuna

Tað verður Anne Mette Greve Klemensen, prestur í Fuglafirði, ið fer at halda prædikuna í Havnar kirkju ólavsøkudag, tá løgtingsfólk, landsstýrisfólk, prestar og embætisfólk ganga skrúgongu og fara í kirku, áðrenn Løgtingið verður sett.

Tað sæst á heimasíðuni hjá Fólkakirkjuni. Tað er tann elsti av teimum yngru prestunum í embæti í føroysku fólkakirkjuni, ið ikki hevur prædikað á ólavsøku, ið prædikar ólavsøkudag.

Ikki færri enn átta sóknarprestar standa í røðini at prædika á fyrsta sinni ólavsøkudag. Elstur av teimum við atliti at starvsaldri er Anne Mette Greve Klemensen, skrivar fólkakirkjan.

Anne Mette Greve Klemensen gjørdist sóknarprestur í Fuglafjarðar prestagjaldi í januar 2011.