Fáa nú tænastuboð

Prestarnir í fólkakirkjuni fáa fyrsta dagin tænastuboð frá biskupi, nú broytingarnar í hjúnabandslógini koma í gildi

Jógvan Fríðriksson, biskupur, er við at leggja seinastu hond á tænastuboðini til prestarnar, nú broytingarnar í hjúnabandslógini eru lýstar

Sigmar Bláberg

Bjarni Mohr

27.06.2017 - 12:42

Jógvan Fríðriksson, biskupur, er við at leggja seinastu hond á tænastuboðini til prestarnar, nú broytingarnar í hjúnabandslógini eru lýstar, og koma í gildi leygardagin 1. juli.

Biskupur hevur boðað frá, at prestarnir fara at fáa tænastuboð, sum teir skulu halda seg til, eftir at lógin er komin í gildi. Eftir broytingina í hjúnabandslgini, kunnu samkynd verða vígd borgarliga frá 1. juli.

SÍ EISINI Samkynd kunnu skjótt giftast

Frammanundan hava prestarnir fingið boð frá biskupi um, at teir ikki eiga at lova ov nógv, sum teir ikki kunnu halda, tá lógin er lýst.

Jógvan Fríðriksson vil ikki avdúka hvat fer at standa í tænastuboðunum, men hann leggur aftrat, at tey verða almenn tá prestarnir hava fingið boðini. Tað verður áðrenn lógin kemur í gildi leygardagin, sigur hann.