Sí kortið: Her duttu menninir oman

Ein 41 ára gamal maður doyði av fallinum norðanvert í Svínagjógv (frámerkt á kortinum) sunnan fyri Saksun seinnapartin í gjár. Maðurin var svii, og fall sjálvur annar í gjónni.

Sí kortið niðanfyri

Hin maðurin, sum er 79 ára gamal, fekk stóran skaða av fallinum, skallabrot og beinbrot. Eisini hann er útlendingur. Hann býr í Danmark. Fallið var tíggju metrar.

Vanlukkan hendi okkurt um 400 metrar frá landsvegnum. Politiið fekk fráboðan um hendingina stutt eftir klokkan hálvgum trý seinnapartin í gjár.

Greinin heldur fram niðanfyri

Teir báðir menninir duttu oman í Svínagjógv (frámerkt á kortinum.) Tú kanst zooma inn og út við "+" og "-" niðast til vinstru í kortinum

Staðfest varð, at tann yngri maðurin var deyður, tá hann kom á Landssjúkrahúsið.  Menninir, sum duttu oman, vóru í einum ferðalagi, sum taldi tíggju fólk.

Fólkini, sum eru úr fleiri londum, eru plantufrøðingar og vóru í Føroyum eftir mosa. Menninir báðir gingu aftan fyri hini á veg oman aftur á landsvegin, so eingin sá, hvat hendi.  

Menninir, sum fullu, vórðu fluttir á Landssjúkrahúsið við tyrlu. Líksýn verður í dag.