Fleiri føroyingar gifta seg

Hevur tú eina kenslu av, at tað er styttri og styttri millum brúdleypini, so ert tú ikki heilt av leið. Tí alsamt fleiri føroyingar gifta seg, vísa nýggj tøl hjá Hagstovuni.

Ikki síðani 2006 hava so nógvir føroyingar gift seg, sum tað gjørdu í 2015 og í 2016. Í 2006 vórðu 292 vígslur í Føroyum, bæði í 2015 og 2016 vóru 268 vígslur.

Greinin heldur fram niðanfyri

Hinvegin vóru tær fægstu vígslurnar í Føroyum tey síðstu 10 árini í 2011, tá vóru til samans 206 vígslur í Føroyum; 144 kirkjuligar vígslur og 62 borgarligar vígslur, vísa nýggjastu tølini hjá hagtalsstovninum.

Talið á hjúnaskilnaðum hesi síðstu 10 árini hevur verið misjavnt. Talið var minst í 2016, tá tað vóru 53 hjúnaskilnaðir. Flestu hjúnaskilnaðir vóru hinvegin í 2010, tá 92 hjún í Føroyum fóru hvør til sítt.

Kelda: Hagstova Føroya, hagstova.fo