- Tíðindi, mentan og ítróttur
Nyttaði ikki at kæra Starvsstovuna
Nyttaði ikki at kæra Starvsstovuna
Vinnukærunevndin sendi eina kæru frá Bakkafrosti um Heilsufrøðiligu starvsstovuna til Vinnumálaráðið, sum gav Starvsstovuni viðhald
24.07.2017 - 09:44
Vinnumálaráðið gav Heilsufrøðiligu starvsstovuni viðhald, tá hon steðgaði einari sending av laksi hjá Bakkafrosti, sum skuldi til Russlands.
Bakterian listeria var staðfest í laksinum. Og Russland hevur strangar reglur um matvørutrygd.
Bakkafrost kærdi avgerðina til Vinnukærunevndina. Men nevndin helt ikki, at hon hevði málsræði at viðgera kæruna.
Kæran endaði tí í Vinnumálaráðnum, sum tó staðfesti avgerðina hjá Heilsufrøðiligu starvsstovuni.
Heilsufrøðiliga starvsstovan hevur síðani 23.juni ikki undirskrivað loyvini, sum krevjast til útflutningin hjá Bakkafrosti til Russlands.
Er kopiera
Nýggjastu sendingar í ÚV
Nýggjastu sendingar í SV
