Regin Marnersson verður skúlastjóri á Fløtum

Regin Marnersson er settur í starvið sum skúlastjóri í Skúlanum á Fløtum í Havn. 

Regin Marnersson er 37 ára gamal. 

Hann hevur starvast í skúlaverkinum í mong ár. 

Hann var lærari í Tórshavnar kommunuskúla frá 2005 til 2012, varaskúlastjóri og seinni stjóri í Skúlanum á Giljanesi frá 2012 til 2015. Síðani 1.mars 2015 hevur hann verið stjóri í Námi. 

14 umsóknir

14 umsóknir vóru til starvið sum skúlastjóri á Skúlanum á Fløtum.

Starvið varð lýst leyst tvær ferðir.

Fyrru ferð vóru tíggju umsóknir, men Mentamálaráðið vildi hava fleiri umsóknir.

Regin Mernersson tekur við starvinum sum skúlastjóri í Skúlanum á Fløtum tann 1.august.

Fríðgerð í Líð er sett sum fyrstalærari í Hósvíkar skúla, og Marin Sigvaldsdóttir Bláberg í starvið fyrstalærari í Hvalvíkar skúla.