JFK-samtakið 45 mió. kr. í avlopi í fjør

Feløgini í JFK-samtakinum høvdu slakar 45 milliónir krónur í avlopi eftir skatt í fjør. Skatturin var tilsamans 10 milliónir kr, upplýsir samtakið.

Úrslitið hjá JFK var 20,6 milliónir kr., hjá Kósini 6,1 millión, og úrslitið hjá felagnum Nærabergi var slakar 18 milliónir kr.

Umleið 530 fólk vóru í føstum starvi hjá JFK í fjør, men tilsamans fingu 800 fólk løn frá samtakinum, tilsamans 300 milliónir kr.

JFK rindaði 117 milliónir í lønum, Kósin 70 milliónir, og Næraberg rindaði 98 milliónir kr. í lønum í fjør.