Søkja aftur eftir landslækna

Danska stýrið fyri sjúklingatrygd søkir nú aftur eftir landslækna til Føroya.

Søkt varð fyrru ferðsíðst í mars, og tá var umsóknarfreistin 23.apríl.

Nú verður søkt aftur. Hesa ferð er umsóknarfreistin 28.august.

Setanarsamrøður vera fyrstu vikurnar í september, og væntað verður, at nýggi landslæknin tekur við 1.november.  

Danskt málsøki

Landslæknin í Føroyum er danskt málsøki. 

Seinastu trý árini, síðani Høgni Debes Joensen gavst, hevur Henrik L. Hansen røkt landslæknaembætið. 

Karsten Hansen, sum var landsstýrismaður í heilsumálum í 2014, ætlaði at yvirtaka landslæknan. 

Men tað var tó av ongum, áðrenn val var í 2015.

Í løtuni eru ongar ætlanir um at yvirtaka málsøkið.