Løgtingið: Sama tal av fiskidøgum næsta ár

Millum aðru og triðju viðgerð legði ein samd Vinnunevnd fram eitt broytingaruppskot, sum varð einmælt samtykt. Broytingaruppskotið hevði við sær, at talið av fiskidøgum er tað sama, og at tað fer at bera til at flyta fiskidagar yvirum ár.

Rógvi Olavsson var staddur í løgtinginum. 

Hann greiddi frá, at tað var ein sera góður stemningur í løgtinginum, har tingfólk høvdu úr at gera við at takka hvørjum øðrum fyri tað góða samstarvið.

Høgni Hoydal, landsstýrismaður í fiskivinnumálum segði annars tá hann kom til, at tilmæli frá Havstovuni skulu fylgjast. Tað verða tey ikki við hesu semju, tí Havstovan hevur mælt til at skerja fiskidagatalið munandi.

Hoyr Rógva Olavson greiða frá og tosa við Bjarna Hammer formann í Vinnunevndini og Jørgen Niclasen næstformann.