Kommunurnar eiga einsamallar forskúlarnar

Kommunurnar bera einsamallar útreiðslurnar til læraralønir í forskúlunum, eisini í forskúlunum í frískúlunum.

Tað sigur Rigmor Dam, landsstýriskvinna, í svari til Bill Justinussen, løgtingsmann.  

Bill Justinussen sigur, at tað er ikki greitt, hvussu forskúlar hjá frískúlum verða fíggjaðir.

Lógin tillagað

Lógin og viðmerkingarnar um lógina eru ikki nóg nágreiniligar hesum víðvíkjandi.  

Tí spurdi Bill Justinussen Rigmor Dam, um hon ætlar at fáa hetta í rætt lag. 

Rigmor Dam svarar, at hon ætlandi fer at gera nakrar tillagingar í frískúlalógini, har ávís viðurskifti verða gjørd greiðari. 

Tveir av trimum frískúlum í Føroyum hava forskúla.