Sam farin á beding í Havn til umvælingar

Ikki fyrr enn leygardagin verður Sam aftur at síggja í Kalsoyarfirði.

Skipið stendur nú á bedingini hjá Mest í Havn, har skaðarnir á hekkuportrinum verða umvældir.

Strandfaraskipið Sam fekk skaða í Havn mikunáttina.

Ein endi hjá Sam slitnaði, tá ein stakkari koyrdi um borð. Tí fór skipið út frá.

Hálvur umborð

Stakkarin hekk hálvur út av bildekkinum, sum var ájavnt við sjógvin av tyngdini. Stakkarin vigar 76 tons.

Ein stakkari verður brúktur til flyta bingjur og stápla tær.

Kranin hjá Tórshavnar havn fekk stakkaran í land aftur.