Einki virki keypti á afturlatnu uppboðssøluni

Einki virki keypti makrel á fyrstu afturlatnu uppboðssøluni í gjár.

Makrelurin fór fyri 3,25 kr. 

Tvey virki keyptu rættindi at fiska makrel týsdagin, tá Fiskamarknaðurin seldi.

Fríðin Ziskason, virkisleiðari á Pelagos, helt, at prísurin tá, hann var 3,15 kr. við øllum, var ov høgur.  

Næsta uppboðssølan verður týsdagin.

Tá selur Fiskamarknaðurin rættindini at fiska 9.000 tons norðhavssild og 9.000 tons av svartkjafti á opnari uppboðssølu.

42 milliónir 

Higartil hava tvær uppboðssølur verið.

Selt er fyri 42 mió. kr.

Átta uppboðssølur eru í august og september.

Seld verða rættindi at fiska 121.315 tons. 

Nógv tað mesta er uppsjóvarfiskur, sild, svartkjaftur og makrelur, og 2.827 tons eru botnfiskur í Barentshavinum.

Vørn stendur fyri teimum fýra afturlatnu uppboðssølunum, sum eru hósdagar.

Fiskamarknaðurin stendur fyri teimum opnu uppboðssølunum, sum eru týsdagar.