Bústaðarskylda og tænastugjøld ein møguleiki

Kristina Háfoss, landsstýriskvinna í fíggjarmálum, heldur, at kommunur eiga at fáa møguleika at áleggja bústaðarskyldu og tænastugjøld.

Tað sigur hon, nú tað er komið fram, at hundrað tals hús standa tóm kring landið, samstundis sum kommunurnar rinda milliónir til útstykking og at viðlíkahalda vegir til fólkatóm grannaløg.

Kristina Háfoss sigur, at landsstýrið arbeiðir eisini við at gera tað meira lokkandi at leiga út.

Landsstýriskvinnan í fíggjarmálum var gestur í Degi og Viku í kvøld.