Nógvir íverksetarar við einari krónu stovna felag

Næstan 70 íverksetarafeløg eru longu stovnað í Føroyum.

Fólk lótu sær ikki siga tvær ferðir, at á nýggjárinum seinast gjørdist møguligt at stovna felag í Føroyum bara við einari krónu í stovnfæi. 

Tað varð gjørt við at broyta vinnufelagslógina.

Nú eru skrásett 68 íverkasetarafeløg.

Tey fyrstu hálvan januar

Skráseting Føroya skrásetti fyrstu feløgini 16.januar. 

Eitt íverkstarafelag er eitt smápartafelag, sum hevur millum eina krónu og 49.999 kr. í stovnfæi. Tá stovnfæið er 50.000 kr. gerst talan um veruligt smápartafelag.

Men eitt íverksetarafelag hevur skyldu til at seta av ein fjórðing av møguligum yvirskoti hvørt ár til bundan tiltakspening til komið er upp í 50.000 kr.

Og eitt íverksetarafelag kann ikki luta út vinningsbýti fyrr enn tað eigur 50.000 kr.