Tvey stór mál skulu latast tingfólki í dag

Annað uppskotið hjá samgonguni um fiskivinnunýskipan, og uppskotið hjá løgmanni um stjórnarskipan skulu leggjast fram á tingfundinum í dag.

Uppskotini eru borin løgtinginum innan fyri freistina, sum er tríggir yrkadagar, so tey kunnu fyri tað leggjast fram í dag.

Í sambandi við framløguna fer løgtingsformaðurin at boða frá, um løgfrøðingarnir hjá løgtinginum, sum hava kannað bæði uppskotini, hava nakrar viðmerkingar um tey.

Tingfundurin í dag er klokkan 11.00.

Tingið skal eisini viðgera uppskotið um fleiri pengar til Glasir og eykajáttanarlógina hjá landsstýrinum í dag.