Kommunan vil hava fólk at súkkla og ganga

Dupult so nógv sum í fjør skulu súkkla ella ganga í 2020.

Tað vil Tórshavnar kommuna, sum er við í European Mobility Week. 

Evnið í ár í tí samstarvinum er Saman røkka vit longri. 

Og fyri at undirbyggja tað, hevur kommunan talt bilar og bilførarar.

689 bilar koyra eftir Hvítanesvegnum til Havnar um tíman gerandismorgnar.

Nógv eru einsamøll

77 prosent av bilførarunum, 530 fólk, eru einsamøll í bilinum.

Nógv tóm pláss eru tí í hvørjum bili. 

Teljingin vísir eisini, at um morgunin koyra 907 bilar um tíman á Jóannesar Paturssonar gøtu. 

Og 669 bilar koyra um tíman eftir Marknagilsvegnum seinnapartin.  

European Mobility Week er frá 16. til 22.september.