Ein vil hava kvotu í Eysturgrønlandi

Sambært kunngerð 28. mars í ár kundi søkjast um 46,76 tons av toski og 46,20 tons av brosmu. Um so er, at kvotan ikki er fiskað, so kann hon latast øðrum skipum at fiska.

Tilsamans 16 línuskip høvdu kvotu í Eysturgrønlandi, men ikki øll hava verið til fiskiskap har.

Evsta mark at søkja um loyvi at fiska restina av kvotuni var í síðstu viku, og bert eitt línuskip søkti um kvotuna, sigur Vørn. Kvotan varar til 31. desember.