Kallaðu álitisfólkini inn til kunnandi fund í dag

Í fráboðanini, sum Felagið Føroyskir Sjúkrarøktarfrøðingar handaði stjóranum á lønardeildini fríggjakvøldið, verður boðað frá víðkaðum arbeiðssteðgi galdandi fyri: 

- Sjúkrarøktarfakligar varastjórar á Klaksvíkar Sjúkrahúsi, Suðuroyar Sjúkrahúsi og Landssjúkrahúsinum.

- Leiðaran á Uttanlandstænastuni.

- Depilsleiðarar á Kirurgiska deplinum og Medisinska deplinum á Landssjúkrahúsinum.

- Allar deildarleiðarar og varadeildarleiðarar á øllum sjúkrahúsunum við undantikið á Psykiatriska deplinum  á  Landssjúkrahúsinum.

Meðan arbeiðssteðgur er, noktar Felagið Føroyskir Sjúkrarøktarfrøðingar sínum limum at luttaka í sjúklingaflutningi. Arbeiðssteðgurin er galdandi frá mánamorgni 6. november 2017 kl 08.00.