Miðflokkurin smakkar samgongulimum illa

Páll á Reynatúgvu, løgtingsformaður, sum er í Tjóðveldi, loysir posabandið á sínum vanga á facebook nú seinnapartin. 

Páll á Reynatúgvu skrivar soleiðis:

"Má bara siga sum er! At fáa Miðflokkin inn í samgonguna hóvar mær illa. Virðisgrundarlagið sampakkar ikki við politikkin hjá hesi samgonguni og hesum samgonguflokkunum. Leggið handan bóltin deyðan og roynið loysnina innanveggja.
Alt ber ikki til í politikki!"

Kringvarpið hevur roynt at fáa orð á Páll á Reynatúgvu, men hann svarar ikki telefonini.