Vinnunevndin fer aftur at royna fyrrapartin

Vinnunevndin hjá løgtinginum fer á fund í morgun klokkan níggju.

Fiskivinnunýskipanin er á skránni saman við seks øðrum málum.

Samgongan hevur litið upp í hendurnar á Bjørt Samuelsen, forkvinnu í Vinnunevndina, um at skriva eitt álit, sum minst 17 tingfólk kunnu atkvøða fyri.

Tingfundur verður týsdagin, og Vinnunevndin hevur eisini fund mánadagin.

Landsstýrið heldur framvegis fast um, at fiskivinnunýskipanin skal koma í gildi 1.januar, um 37 dagar. 

Eitt annað stórmál hjá samgonguni er pensjónsnýskipanin.

Seks lógaruppskot um hana eru til hoyringar. Freistin er úti í dag.