Tungir menn og tungur rokktónleikur

Skrivað hevur Aleksandur L. Olsen

HOYR SAMRØÐURNAR HER

Seinasta vikuskiftið var Røddin í Høllini á Hálsi til Burn Showdown. Í sambandi við hetta tosaðu vit við tríggjar menn. Ein teirra var Laurence Shahlaei, ið er ein strongman-íðkari úr Onglandi. Laurence hevur vunnið hópin av kappingum innan vektlyfting, og hann vann eina strongman-kapping í Føroyum í fjør.

Vit tosaðu eisini við Bjarna Nielsen, ið er føroya sterkasti maður. Bjarni hevur vunnið kappingina “Føroya sterkasti maður” fýra ferðir, og hann hevur eisini luttikið í ymsum kappingum kring heimin. Vit tosaðu við Bjarna beint eftir, at strongman-kappingin var av.

At enda høvdu vit eina samrøðu við Jákup Súna Berg, ið er eigari av Burn fitness og ein av fyriskiparunum til Burn Showdown. Jákup Súni hevur fyrr luttikið í strongman-kappingum, og hann hevur eisini vunnið kappingina “Føroya sterkasti maður” fyrr.