Andstøðan sigur kortanei, og Framsókn ivast

Samgongan kann neyvan vænta sær hjálp frá andstøðuni, tá atkvøðast skal um fiskivinnunýskipanina. Atkvøðugreiðslan verður ætlandi fríggjadagin.

Vinnunevndin kom víð sínum áliti í gjárkvøldið. 

Í tí sigur meirilutin í nevndini, sum eru andstøðuflokkarnir Fólkaflokkurin, Sambandsflokkurin og Sjálvstýri, at hann
tekur ikki undir við málinum og mælir løgtinginum staðiliga frá at samtykkja uppskotið. 

Samgongufólkini í nevndini hava gjørt nógvar broytingar í uppskotinum hjá Høgna Hoydal, landsstýrismanni, fyri at fáa 17 atkvøður fyri uppskotinum.

Framsókn ónøgd 

Men tann eini flokkurin í samgonguni, Framsókn, sum ikki hevur fólk í Vinnunevndini, er farin at ivast, nú so nógvar broytingar eru gjørdar í uppskotinum, sum semja varð gjørd um í summar. Sambært henni eru menningarkvoturnar 7%. Nú eru tær vorðnar 8,5%.  

Flokkurin heldur millum annað, at menningarkvoturnar ella økiskvoturnar eru vorðnar ov stórar.

Álitið hjá Vinnunevndini, sum er 19 síður, kann lesast her.