Trýstið hevur verið stórt

Ikki færri enn 13 broytingaruppskot vóru tá fiskivinnunýskipanin kom í løgtingið í dag. Fleiri vóru frá Samgonguni sjálvari.

Eitt nú vildi kristin Michelsen hava broytt ásetingina um, at landsstýrismaðurin kann taka 3 prosent av søguligu rættindunum um árið til uppboðsølu ella menningarkvotur.

Hetta varð tó broytt í evstu løtu í broytingaruppskoti frá samgonguni.

Fiskivinnunýskipanaruppskotið er nógv broytt í mun til tað, sum hendan samgongan fór til val uppá og í mun til tað upprunaliga uppskotið.

Trýstið hevur verið stórt, sigur Aksel V. Johannesen, løgmaður