Skattalætti í Amerika

Skattalætti í Amerika
Amerikanska senatið hevur samtykt størstu skattanýskipan í USA seinastu 30 árini. 51 atkvøður vóru fyri 48 ímóti
 
20.12.2017 - 10:21

Málið skal hava eina viðgerð afturat í umboðsmannatinginum, áðrenn Donald Trump, forseti, kann skriva undir nýggju lógina.

Tá uppskotið var til viðgerðar í umboðsmannatinginum, varð eitt mistak gjørt í lógartekstinum. Tí skal umboðsmannatingið atkvøða um málið eina ferð afturat.

Samsvar skal vera í báðum lógartekstum, sum senatið og umboðsmannatingið samtykkja.

Tá atkvøtt varð fyrru ferð í umboðsmannatinginum, vóru 227 atkvøður og 203 ímóti. 12 republikanarar atkvøddu ímóti uppskotinum.

Washington Post skrivar, at nýskipanin ber í sær, at 95% av øllum amerikanarum fáa skattalætta, men tað verða serstakliga tey, sum forvinna mest, ið fáa størstan lætta, skrivar blaðið.

Funnist verður eisini at stjórnini fyri ikki at hava sett nóg nógvan pening av til skattalættan, og at hann fer at hækka almennu skuldina í USA munandi.

Skattanýskipanin er hitt týdningarmesta málið, sum tað hevur eydnast Donald Trump, forseta, at fáa samtykt í kongressini, síðani hann tók við sum forseti í januar. 
 

Er kopiera
Nýggjastu sendingar í ÚV
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442