Skattalætti endaliga samtyktur

Umboðsmannatingið samtykti í gjárkvøldið nýskipanina. 224 atkvøður vóru fyri og 201 vóru ímóti. 

Donald Trum, forseti, fer væntandi at skriva undir lógina fyrsta dagin.

Skattanýskipanin verður mett at vera størsti politiski sigurin hjá Trump, síðani hann tók við sum forseti í januar.

Inntøkuskatturin og felagsskatturin lækka, men tey, sum eru ímóti nýskipanini, siga, at bara tey múgvandi fáa ágóða av skattalættanum. 

Trump sigur, at skattaskipanin er ein søguligur sigur fyri amerikansku familjuna, arbeiðarar og fyritøkur. Hann sigur, at fyrstu úrslitini av nýskipanini fara at merkjast longu í februar.

- Nú verður rakett-brennievni latið á búskaparliga motorin, sigur amerikanski forsetin.

So stórar broytingar eru ikki gjørdar í amerikansku skattaskipanini síðani 1986, tá Ronald Reagan var forseti.