Føroya arbeiðsgevarafelag: loysið ósemjuna sjálvi

Tey eiga sjálvi at loysa ósemjuna. Lóggevandi valdið, løgtingið, skal bara í heilt serligum førum leggja seg út í samráðingar á arbeiðsmarknaðinum.

Tað sigur Føroya arbeiðsgevarafelag, nú pedagogar eru í verkfalli, og teir flestu eru verkbannaðir. 

Felagið sigur, at eitt stríðsstig á arbeiðsmarknaðinum, verkfall ella verkbann, eigur ikki at koma óvart á nakran.

Tá ein sáttmálapartur lýsir verkfall ella verkbann, má man ganga út frá, at parturin er tilvitaður um, hvat hetta merkir, sigur Arbeiðsgevarafelagið og leggur afturat, at sáttmálaparturin má tí klára at standa við stríðsstigið, til semja er funnin.