Bussur koyrdi inn í mannamúgvu í Moskva

Sambært russisku tíðindarásini, Russia Today, hendi hetta á Kutuzovsky Avenue, - nærindis jarnbreytarstøðini, Savyanski Bulvar í vestur Moskva, og talan um vanlukku, ikki um yvirgang.

Løgreglan arbeiðir við tveimum møguleikum, - annar er, at brek hevur verið í bremsuskipanini í bussinum, og hin er, at bussurin kann hava snarað undan einum øðrum bili.

Løgreglan hevur handtikið bussføraran.