Átta umsóknir til varastjórastarv á LS

Átta umsóknir eru til starvið sum varastjóri við sjúkrarøktarfakligari bakgrund á Landssjúkrahúsinum.

Og bara kvinnur hava søkt, upplýsir Turið Arge, aðalstjóri í Heilsu- og innlendismálaráðnum. 

Umsóknarfreistin var úti í gjár.

Nú verður farið undir setanartilgongdina, og ætlanin er at seta starvið í hesum mánaðinum.

Starvið verður ikki áramálssett.

Naina Túgvustein hevur røkt starvið sum varastjóri við sjúkrarøktarfakligari bakgrund á Landssjúkrahúsinum seinastu árini.