Ein bilferja aftrat hevði verið besta loysnin

- Vit kunnaðu so skjótt, vit høvdu nakað at kunna.

Tað sigur Hilmar Eliasen, stjóri á Strandferðsluni, sum vísir aftur atfinningunum um, at ov long tíð gekk, til ferðafólk fingu nakað at vita um siglingina um Skopunarfjørð, tá Teistin fekk tekniskar trupulleikar í gjár.

Stjórin á Strandferðsluni sigur, at einki av skipunum, sum Strandferðslan plagar at leiga, var tøkt í gjár.

Fýra farleiðir hjá Strandferðsluni vórðu raktar, tá Teistin varð tikin úr sigling.

Hilmar Eliasen sigur, at besta loysnin hevði verið at havt eina bilferju tøka aftrat, tí tað ganga nøkur ár, til koyrandi verður undir Skopunarfirði.

Men tað hevur verið trupult at fáa politikararnar at taka undir við at útvega eitt minni avloysaraskip, sum altíð er tøkt, sigur hann.

Hilmar Eliasen var gestur í Degi og Viku.