Tíggju milliónir úr landskassanum til Oyggjaleikir

Landið skal lata upp til tíggju milliónir krónur til Oyggjaleikir í Føroyum.

Kristina Háfoss, landsstýriskvinna, sigur, at landsstýrið vil gera sítt til, at tað eydnast Føroyum aftur at hýsa Oyggjaleikunum. 

Men fyri at røkka hesum máli, er neyðugt, at Ítróttasamband Føroya gevur International Island Games Association eina  fráboðan, har víst verður á eina fíggjarliga trygd. 

Tí hevur Kristina Háfoss, landsstýriskvinna í fíggjarmálum, sent eitt lógaruppskot í hoyringar, sum ásetir, at landið veitir eina fíggjarliga trygd upp til tíggju milliónir krónur.

Føroyar hava eina ferð áður hýst Oyggjaleikunum. Tað var í 1989.