Tórsvøllur verður nú gjørdur liðugur

Tórsvøllur verður nú gjørdur liðugur.

Tórshavnar býráð samtykti í gjárkvøldið at fara undir fjórða og seinasta byggistig, sum er vestara áskoðaraskýlið.   

Tað kostar kommununi 63 mió.kr., tá meirvirðisgjaldið er tikið við. Tað er helvtin av byggikostnaðinum. 

Hina helvtina rindar Fótbóltssambandið.

Altjóða vøllur

Tá byggingin er liðug, eftir ætlan í oktober 2020, kunnu 1730 ákoðarar sita vestanfyri, 200 fleiri enn nú.

Við hesi útbygging verður Tórsvøllur liðugt bygdur sum nútíðar altjóða tjóðleikvøllur við øllum neyðugum góðkenningum frá UEFA, sigur býráðið.

Tak verður lagt á vesturskýlið.

Vesturskýlið verður eins og eysturskýlið bygt saman við bygninginum á suðurendanum og skapar ein samanhangandi form sum hestaskógvur.

FSF-húsið skal útbyggjast bæði norðureftir og suðureftir og harafturat dagførast.