Nú kunnu listafólk bjóða seg fram at prýða skúla

Listafólk kunnu nú søkja um at sleppa at prýða nýggja Skúlan á Fløtum, bæði innan og uttan.

Listabólkurin hjá Tórshavnar kommunu hevur gjørt av at geva øllum listafólkum møguleika at koma við uppskotum um at listprýða Skúlan á Fløtum. 

Freistin at boða frá luttøku í útbjóðingini er til 1.mars. 

Tey, sum hava boðað frá, verða síðani boðin á kunningarfund á grækarismessu. 

Uppskot um listaverk skulu latast Listabólkinum í seinasta lagi 1.mai í ár.

Ætlanin er, at skúlin verður liðugur á sumri 2020. 

Hálvt annað prosent av byggikostnaðinum eru sett av til at listprýða nýggjar bygningar hjá Tórshavnar kommunu.