Nýskipan á danska útlendingaøkinum

Stendur til tað danska javnaðarflokkin, skal tað ikki longur bera til hjá flóttafólkum at biðja um friðskjól við markið ella á eini flóttafólkamiðstøð í Danmark.

Í staðin skulu øll, sum biðja um friðskjól, sendast til eina móttøkumistøð, sum Danmark skal reka í einum triðjalandi, t.d. í Norðurafrika.

Her skulu fólkini vera, meðan umsóknin um friðskjól verður viðgjørd.

Nýskipan á útlendingaøkinum

Javnaðarflokkurin hevur kunngjørt eitt uppskot um nýskipan á útlendingaøkinum.

- Støðan er tann, at fleiri flóttafólk eru komin til Evropa, enn vit megna at taka ímóti. Men afturfyri hjálpa vit ikki heimsins flóttafólkum á staðnum, sigur Mette Frederiksen, forkvinna í danska javnaðarflokkinum.

Hinvegin er flokkurin til reiðar at taka ímóti kvotuflóttafólkum frá ST, og talið kann vera størri enn 500, sum Danmark higartil hevur tikið ímóti, sigur Mette Frederiksen.

- Flóttafólkaskipanin riggar ikki. Nógv doyggja, tá tey royna at sleppa um Miðjarðarhavið, og vit hjálpa bara einum lítlum parti í Evropa, sigur forkvinnan í javnaðarflokkinum. 

Avmarkaða atgongd til Danmark

Endamálið er eisini at avmarka atgongdina hjá útlendingum, sum ikki hoyra til vesturheimin, at sleppa til Danmarkar.

- Fleiri flóttafólk eru komin til Danmarkar og Evropa, enn londini hava verið før fyri at integrerað, sigur Mette Frederiksen.