Anders Samuelsen revsar Lavrov

Á tíðindafundi eftir fundin við Lavrov í Moskva í gjár, segði Anders Samuelsen, at Russland hevur stóra ábyrgd av at loysa kreppuna í eystara parti av Ukraina.

Hon hevur kostað meira enn 10.000 mannalív síðani 2014.

Russiski uttanríkisráðharrin fekk eisini at vita, at Danmark hevur hækkað játtanina til verjuna.

Anders Samuelsen fanst eisini at Russlandi fyri at dubba seg hernaðarliga fram við markinum til baltisku londini.

- Hóast vit eru eitt lítið land, hevur tað týdning, at vit gera vart við, at altjóða lógir verða hildnar, segði Anders Samuelsen, uttanríkisráðharri, við danskar miðlar eftir fundin við russiska uttanríkisráðharrin, Sergej Lavrov, í Moskva í gjár.