Á fund um Hoyvíkssáttmálan

Sambært Fiskifréttum hevur Poul Michelsen, landsstýrismaður, biðið Guðlaug Þór Þórðarson, uttanríkisráðharra, um fund um Hoyvíkssáttmálan, sum Føroyar vilja hava broyttan.

Nýggja fiskivinnulógin í Føroyum sigur, at útlendingar sleppa ikki at eiga í føroyskum fiskiskipum.

Íslendingar fáa sjey ár at fara úr føroyska fiskiflotanum.

Hetta er ikki samsvarandi Hoyvíkssáttmálanum, sum varð gjørdur í 2005. 

Íslendska felagið Samherji eigur í Framherja í Fuglafirði.

Íslendska Uttanríkismálaráðið heldur, at føroyska avgerðin er ørkymlandi og brot á Hoyvíkssáttmálan.

Ikki er greitt, nær Poul Michelsen og Guðlaugur Þór Þórðarson hittast.