FSF byggja nýtt hús við Tórsvøll

Tað góðtekur Tórshavnar býráð, men treytin er tó, at útreiðslan hjá kommununi verður tann sama, sum longu er samtykt.

Hon er 63 milliónir krónur til alla vestursíðuna á Tórsvølli, tá meirvirðisgjaldið er talt við.

Starvsnevndin hjá FSF væntar at fáa betri bygning bæði viðvíkjandi innrætting og funktiónum. 

Fyrimunur er eisini, at hæddirnar á vestursíðuni verða bundnar saman við suðurendan í somu linju, tí verandi bygningur hevur fýra hæddir, tann nýggi fer at hava tríggjar hæddir eins og suðurendin. 

Broytingin kostar Fótbóltssambandinum 25 milliónir krónur.