Føroyska váðaráðið fyrsta fundin - í Danmark

Váðaráð Føroya, sum skal hava vakið eyga við skipananarligum váðum í føroyska búskapinum, hevur nú havt sín fyrsta fund. Hann var hildin í Keypmannahavn, har allir limirnir vóru staddir.

Á fundinum skipaðu tey sítt arbeiði, og tey fara at hava fýra árligar fundir, ein hvønn ársfjórðing.

Tað fyrsta, sum nú stendur á arbeiðsætlanini, er eitt slag av hoyring, sum tey skulu til í danska Váðaráðnum. 

Fíggjarviðurskifti - altso peningastovnarnir - er danskt málsøki, og tá danska Váðaráðið í fjør viðgjørdi, hvussu stór fíggjarliga bjálvingin í føroysku peningastovnunum eigur at verða, gjørid ráðið av at bíða eftir, at føroyska Váðaráðið var sett.

So nú skal føroyska Váðaráðið geva tí danska ráðnum sína tilráðing um, hvussu sonevndu buffararnir skulu samansetast, og nær hesi eyka kapitalkrøvini skulu setast í verk fyri føroysku peningastovnarnar. 

Hesin fundurin verður 6. apríl.