- Tíðindi, mentan og ítróttur
Tveir menn lótu lív á sjónum í dag
![](https://kvf.fo/sites/default/files/styles/grein-ovasta-mynd/public/fuglafjordur1.png?itok=H9xyQNKU)
Í Fuglafirði var ein 47 ára gamal maður funnin deyður í morgun.
Løgreglan fekk boðini klokkan 10 fyrrapartin, at ein maður var funnin deyður í sjóvarmálanum við Breiðá millum Fuglafjørð og Kambsdal.
Løgreglan hevði leitað eftir manninum, tí tey nærmastu settu seg í samband við løgregluna í gjár, tí tey vistu ikki, hvar maðurin var.
Løgreglan veit ikki, hvussu maðurin er dottin á sjógv.
Datt á sjógv
Ein 60 ára gamal maður doyði eisini úti í Kirju á Fugloynni nú seinnapartin.
Hann var á veg umborð á Rituna, tá hann datt niður ímillum og á sjógv.
Tað eydnaðist at fáa mannin úr sjónum og umborð á bátin, men tá var hann lívleysur.
Løgreglan fekk boðini klokkan 10 minuttir yvir tvey seinnapartin.
Ritan sigldi til Svínoyar, har tyrlan kom eftir manninum.
Umborð á tyrluni royndu tey eisini at fáa lív í aftur mannin, men tað eydnaðist ikki.