“Gud signi Føroyar” heldur fram eftir páskir

Fleiri hyggjarar hava spurt, hví fjórði parturin í sjónvarpsrøðini “Gud signi Føroyar” ikki er at finna á heimasíðuni hjá kringvarpinum.

Orsøkin er, at røðin nú er komin í helvt og heldur fram tíðliga í apríl. Sum boðað varð frá í endanum á triðju sendingini, verður restin av sjónvarpsrøðini send beint eftir páskir.

Tríggir partar eru nú sendir, og hinir tríggir partarnir koma á skíggjan hóskvøld eftir páskir.

Tann fjórði parturin fer at snúgva seg um tann ymiskleika og tær ósemjur, sum mynda føroysku fólkakirkjuna, og hann verður vístur hóskvøldið tann 5. apríl.