Ferðamaður ringdi eftir hjálp

Boð vóru í dag eftir tyrluni hjá Atlantsflogi at hjálpa útlendska ferðamanninum. Ferðamaðurin visti ikki hvar hann var, - annað enn, at hann var norðanfyri Viðareiði.

Løgreglan bað hann tí taka eina mynd av útsýninum har hann var, og leggja hana á sín facebookvanga.

Løgreglan fekk síðani samband við ein bónda á Viðareiði, og hann gekk niðan til mannin. Tá var ferðamaðurin illa fyri og kaldur, og tað var bóndin eisini. Tí varð ikki ráðiligt hjá teimum at ganga omanaftur, og boð vórðu tí send eftir tyrluni. 

Tyrlan flutti bóndan oman í bygdina aftur, og maðurin varð fluttur á Landssjúkrahúsið til kanningar og at fáa hitan aftur.