Strandferðslan darvað av veðrinum

Nakað av broytingum hava verið hjá Strandferðsluni í dag. Heri Norðberg, ferðslusamskipari hjá Strandferðsluni, segði við tíðindini klokkan 9, at nakrar broytingar vóru í dag. 

Eitt nú segði hann, at Sildberin hevur avlýst alla sigling fyri brimi. Ritan siglir bara til Svínoyar og ikki til Fugloyar í dag. 

Teistin byrjar siglingina kl. 12.30 úr Skopun. Fyrsti túrur verður um Hest. Fram til 17.20 verður siglt eftir ferðaætlanini, og so leggur hann í Skopun eftir síðsta túrin kl. 17.20 av Gomlurætt, sigur Heri Norðberg.

Ternan hevur avlýst túrin kl. 12.30 av Havnini. Kanska verður onkur broyting aftur seint í kvøld frá Ternuni, og tað er støðan fyribils. 

Smyril siglir heldur ikki fyribils. Eftir ætlan verður siglingin hjá Smyrli tikin upp aftur kl. 13.30, men Heri Norðberg sigur, at siglilíkindi har suðri eru øgiliga ring. 

Fylg við heimasíðuni hjá Strandferðsluni her.