Asim út í rúmdina

Fráferðin varð send beinleiðis, umvegis amerikanska rúmdarstovnin NASA, og alt gekk eftir ætlan.

Danskir granskarar standa á odda fyri Asim-verkætlanini, ið verður mett sum flaggskipið í danskari rúmdargransking. Tað eru DTU Space og fyritøkan Terma, sum hava ment eitt nýtt observatorium, sum hevur til endamáls at fáa nýggja vitan til vega um okkara veðurlag.

Ætlanin er, at ASIM-støðin skal avmynda ógvusliga toru og snarljós, sum eru kanska 100 kilometrar omanfyri skýggini. Tá klárt er, verður møguligt at hyggja inn í snarljósini og fáa týðandi upplýsingar til vega.

Asim hevur nú kós móti altjóða rúmdarstøðini ISS, haðani hon skal virka og savna inn tey data, sum kanska einaferð kunnu geva granskarum nýggja vitan um torusláttur og snarljós, og hvussu hesi hava ávirkan á veðurlag og veðurlagsbroytingar.