Hugskotskapping um roykstovuna á Tvøroyri

Tvøroyrar býráð samtykti fyri einum mánað síðani at fylgja tilmælinum frá borgarstjóranum um, at skipað verður fyri einari hugskotskapping, har øll kunnu koma við hugskotum um, hvat Roykstovan kann verða brúkt til.

Tvøroyrar kommuna vil tó, at hugskotini taka við, at Roykstovan er ein týdningarmikil partur av Tvøroyrar søgu, tá talan er um menningina í vinnulívinum, á mentanarøkinum og á sosiala øki. 

Tríggjar virðislønir eru, 6.000 krónur, 4.000 kr. og 2.000 kr. 

Hugskotskappingin endar á middegi 23. mai.

Roykstovan er miðskeiðis á Tvøroyri, yvirav bygdarsavninum og havnarlagnum. Roykstovan er eisini nevnd Faktorhúsini. 

Grundøkið er 1268 fermetrar, og á tí standa sethúsini og hjallur. Faktorhúsini eru fyrstu sethús, sum vórðu bygd á Tvøroyri, tað var í 1836.