Flytur herin til markið móti Meksiko

Trump skrivaði undir fyriskipanina, tí støðan er kritisk, boða Hvítu húsini frá.

Trump hevur seintastu vikuna ilskast um eina mótmælisgongu, har góð túsund miðamerikonsk mótmælisfólk eru á veg móti markinum millum Meksiko og USA.

Men hóttanin er tó ikki so álvarslig, tí mótmælisfólkini hava boðað frá, at mótmælisgongan endar í Meksiko Býi. 

Irineo Mujica, sum er leiðari fyri bólkinum, Fólk uttan landmark, sigur, at mótmælisfólkini gera, sum tey vilja í Meksiko Býi.

- Vit hava stuðulsbólkar við markið, um fólk hava tørv á hjálp, men so mugu tey ferðast sjálv, sigur Irineo Mujica.

Kirstjen Nielsen, ráðharri fyri innlendistrygd, sigur, at hon hevur tosað við guvernørar í útsynnings USA, har amerikonsku herdeildirnar verða sendar til, og at møguliga koma deildirnar longu mikudagin í næstu viku.

- Vit síggja framhaldandi ólóglig rúsevni, vandamikil harkalið, sum virka báðumegin markið og ólógliga tilflyting tvørtur um landamarkið her, sigur Kirstjen Nielsen, sum fyrr hevur sitið í ovastu leiðsluni í Hvítu húsunum.

Kritikarar sigar, at har er eingin kreppa við markið, og at talið av ólógligum tilflytarum er minkað støðugt seinastu árini. 

Í februar í fjør vóru 23.000 ólógligir tilflytarar tiknir, meðan í februar árið fyri vórðu 38.000 handtiknir. Í apríl í fjør vóru 15.000 ólógligir tilflytarar handtiknir, og tað er minni enn ein triðingur samanborið við apríl árið fyri.