Skulu svara semingsuppskotinum í kvøld

Klokkan tíggju í kvøld skulu Føroya arbeiðsgevarafelag og Flogskiparafelagið svara Semingsstovninum, um feløgini taka av einum semingsuppskoti, sum tey fingu í nátt.

Semingsstovnurin varð boðsendur týsdagin. Fríggjadagin varð farið undir semingsroynd.

Hon vardi til leygarmorgun klokkan fimm. Partarnir hittust aftur í gjár klokkan 14.00.

Eitt semingsuppskot varð lagt fyri partarnir í nátt.

Sáttmálin millum Flogskiparafelagið og Føroya arbeiðsgevarafelag fór úr gildi á midnátt fríggjakvøldið. Partarnir hava í fyrsta umfari longt sáttmálan til á midnátt týskvøldið.

Tá Semingsstovnurin gevst við royndini at finna semju, hava partarnir í minsta lagi 14 dagar at boða frá arbeiðssteðgi.