Veita trygd fyri Oyggjaleikunum

Løgtingið samtykti í gjár við 32 atkvøðum, at veita fíggjarliga trygd upp á í minsta lagi 10 milliónir krónur til at hava Oyggjaleikir í Føroyum í seinasta lagi í 2029.

Seinast, Oyggjaleikir vóru í Føroyum, var í 1989.

Ætlanin var at hava Oyggjaleikirnar í Føroyum í 2019, men ÍSF noyddist taka umsóknina aftur, serliga tí fíggjarligu fortreytirnar vóru ikki til staðar.

Nú verður roynt aftur, og ætlanin er, at Føroyar skulu bjóða seg fram at hava Oyggjaleikirnar í 2029, 40 ár eftir, at teir fyrstu ferð vóru í Føroyum.